Vritet me thikë shqiptari, pranga gruas dhe kunatit në Brescia
Nga OraNews Përditësimi i fundit 3 Qershor 2016, 17:27
Një 37-vjeçar është vrarë me thikë në banesën e tij, ku jetonte me bashkëshorten e tij. Ngjarja ka ndodhur mesditën e së premtes në Vobarno, një provincë në Brescia.Mediat italiane raportojnë se në momentin e krimit, viktima, identiteti i të cilit ende nuk bëhet i ditur ishte në banesë bashkë me gruan e tij dhe vëllain e saj.Policia ka shkuar menjëherë në vendin e krimit, duke shoqëruar dhe marrë në pyetje dy të pranishmit dhe duke rindërtuar dinamikën e ngjarjes. Sipas tyre ngjarja e rënde mund të ketë ndodhur pas një konflikti në familje.Sipas mediave italiane, bashkëshortja e tij ka qenë jashtë shtpisë duke pritur ambulancën.Vëllai i viktimës, 20-vjeç, kur mësoi lajmin e vrasjes kaloi një gjendje të rëndë shëndetësore dhe u transportua me ambulancë në spital.37-vjeçari jetonte rregullisht në Itali dhe ishte një punëtor krahur. Fqinjët flasin për një familje punëtore që nuk ka pasur konflikte të mëparshme.
