Vrasja me prerje koke e Terpollarit, arrestohet shqiptari i dytë, i treti në Shqipëri
Nga OraNews Përditësimi i fundit 30 Maj 2016, 17:51
Një tjetër shqiptar ka përfunduar në prangat e policisë greke në kuadër të hetimeve për vrasjen dhe prerjen e kokës së 26 vjeçarit shqiptar, Bledar Terpollari, ndërsa një i tretë është ende në kërkim.Policia greke thotë se dyshohet se shqiptari tjetër i përfshirë në krim ka ardhur në Shqipëri.Ngjarja e rëndë ndodhi më 9 maj të këtij viti ku bariu shqiptar u vra në një kasolle ku jetonte për shkak të pazareve të drogës.Policia greke ka mbyllur dosjen hetimore për rastin dhe ia ka dorëzuar atë prokurorisë në Thesprotia. Shqiptarët e arrestuar dhe ai që është në kërkim janë përkatësisht 28 dhe 27 vjeç.Policia greke thotë në komunikatën e saj se ka identifikuar të gjithë autorët e ngjarjes, por duke mos i publikuar emrat e tyre për shkak të sekretit hetimor.Shqiptari i arrestuar rreth 10 ditë parë si dëshmitar i ngjarjes sipas medieve greke është Emiljano Nana, 28 vjeç nga Tepelena.Ende nuk është i qartë roli i tij në krim, ndërsa ai ka deklaruar se u ka treguar autorëve vendin ku jetonte shqiptari, duke shtuar se këtë e kishte bërë nën kërcënimin e armëve.Prokuroria greke nuk ka më dyshime se krimi është kryer për trafik droge.Nuk është zbuluar ende se ku ndodhet koka e të riut nga Përmeti, ku sipas dëshmisë është transportuar në Shqipëri si kod për vrasjen.[caption id="attachment_758028" align="alignnone" width="600"]
Deklarata e policisë greke[/caption]
