Video/ 10 sekondat e vrasjes së Elton Çiços në lokal
Nga OraNews Përditësimi i fundit 2 Maj 2016, 13:00
Një person me kapele në kokë ka qëlluar në drejtim të Elton Çiçës, teksa ai ka qenë i ulur në lokalin "De Niro" në zonën e Ish- Bllokut mbrëmjen e 1 Majit.
Kamerat e sigurisë kanë arritur të fokusojnë momentin e vrasjes.
Në videon e pulikuar nga Abcnews duket vrasësi i Elton Çiços që hyn me pistoletë në lokal.
Pas disa hapash të shpejtë, arrin në tavolinën ku ishte ulur viktima. Ngre pistoletën, e qëllon në kokë dhe kthehet duke ikur me vrap. Personat që ishin në tavolinë me Elton Çiçën largohen të tmerruar. Klientët krijojnë kaos, dhe njëri prej tyre përplaset me vrasësin në ikje e sipër.
Mendohet se Elton Çiço ka qenë i ulur në lokal me një oficer policie dhe disa persona të tjerë, kur një person që mbante nje kapele në kokë, ka hyrë në lokalin “De Niro” dhe e ka qëlluar dy herë me pistoletë në kokë. Ndërkohë policia ka konfiskuar kamerat e sigurisë si dhe janë marrë në pyetje dëshmitarët që ndodheshin në vendngjarje.
Te shoqeruarit Mes të shoqëruave për tu marrë në pyetje është edhe Ervis Imeri, një nga të dyshuarit e grabitjes së prindërve të viktimës, ngjarje e ndodhur në mars 2015. Burimet nga policia bëjnë të ditur se është firmosur dhe urdhër shoqërimi për pronarin e lokali "Pronari i lokalit dyshohet se ka shpërndarë video e foto nga çasti i vrasjes. Ai dyshohet për prishje të hetimit me videot e fotot e publikuara" bëjnë të ditur burimet nga policia.
