Trafik droge e pastrim parash, dënohen me 19.5 vjet burg dy shqiptarët në Londër

Nga OraNews Përditësimi i fundit 27 Prill 2016, 19:36

Tre anëtarë të një rrjeti të organizuar kriminal të cilët merreshin me pastrim parash dhe trafik kokaine, mes tyre dy shqiptarë,  janë dënuar me 27 vjet burg në total.Vendimi u dha nga një gjykatë në Londër, e cila i gjeti fajtor për akuzat e mësipërme.Shqiptarët Enton Feta (35 vjec) dhe Kastriot Shemaj (42 vjec) mësohet se jetonin në Enfield, ndërsa Muhammad Asim (50 vjec) që jetonte në Belvedere Road në Londër.Arrestimi i tyre u bë nga oficerët e NCA në bashkëpunim me agjencinë policore OCP në Londër, të cilët prej kohësh mbanin nën vëzhgim shqiptarin Feta dhe Muhammad Asim.Ishte 22 shtatori i 2015, kur të dy këta u takuan në Norwoodin jugor me shqiptarin tjetër Shemaj, i cili mbante një çantë shpine të zezë.Tre personat u ndaluan teksa po përpiqeshin të largoheshin, ndërsa u arrestuan pasi policia gjeti në çantën e shpinës 99.975 paund.Ata u akuzuan për pastrim parash, ndërsa mbi shqiptarin Shemaj rëndonte edhe akuza e dokumenteve false të identitetit dhe patentës së shoferit po ashtu false.Gjatë kontrollit në banesën e shqiptarit Feta, policia gjeti dy fletore në të cilën ai mbante shënim furnizimin dhe mbledhjen e pagesës për sasitë e mëdha të kokainës që shpërndante tek persona të ndryshëm.Mesazhet e gjetura në shumë telefona që u sekuestruan në banesën e tij, tregonin se Feta mbante kontakte të rregullta me shumë të panjohur, me të cilët ka përdorur fjalë kode për të negociuar shitjen e një njësie e kokaine që kapte vlerën e 31,000 paund.Mesazhet me tekst, sëbashku me transaksionet e detajuara në fletore, treguan se Feta kishte furnizuar me mbi 18 kg kokainë disa persona dhe ai u akuzua për trafik të drogës së klasit A.Ndërsa të dhënat e telefonave celular të Asim treguan se ai komunikonte me mesazhe me numra të personave që ishin në Dubai, në të cilat kishte detaje të llogarive bankare numrat serial dhe emrat e individëve që merrnin drogën.Feta, Asim dhe Shemaj i kanë mohuar akuzat në gjykatë, por u shpallën fajtorë për të gjitha akuzat, pas një gjyq që zgjati pesë javë në Gjykatën Blackfriars Croën.Ata u dënuan më 25 prill të vitit 2016, perkatësisht Feta me 16 vjet burg, Asim me 8 dhe Shemaj me 3 vjet e gjysmë burg.