Durrës, Elbasan e Vlorë, radhë për kartën e shëndetit, afati skadon në 30 prill
Nga OraNews Përditësimi i fundit 27 Prill 2016, 13:24
Dyndje qytetarësh në Durrës, Vlorë e Elbasan për tu pajisur me kartën e shëndetit, afrimi i datës 30 prill, kur libreza e vjetër e shëndetit nuk është më funksionale, ka bërë që qytetarët të qëndrojnë në radhë për orë të tëra për t'u pajisur me dokumentin elektronik të shëndetit.Durrës, Vlorë e Elbasan -Afrimi i 30 prillit, afatit të përcaktuar për vlefshmerinë e Librezave Shëndetësore ka sjellë radhë të gjata të qytetarëve që duan të aplikojnë për t'u pajisur me kartën e shëndetit.Pavarësisht moshës, apo gjendjes shëndetësore, askush prej tyre nuk i shmanget radhëve dhe orëve të gjata të pritjes.Edhe në Elbasan, qytetarët të ardhur dhe nga Njësi Administrative si Belshi apo Bradasheshi nuk u janë shmangur dot radhëve për t'u pajisur me kartën e shëndetit.Në Vlorë, në qendrën shëndetësore nr 2, ku aplikohet për dokumentin e shëndetit, prej 3 ditësh nuk ka funksionuar shërbimi si pasojë e një defekti, ndaj qytetarët janë detyruar të rikthehen për t'u pajisur me kartë.Pas 30 prillit nuk do jenë më të vlefshme librezat e vjetra, në vend të të cilave do përdoren kartat e reja të shëndetit./Oranews.tv/
