Rasti i pazakontë! Ja se si shqiptarët kishin fshehur 1 kg kokainë!
Nga OraNews Përditësimi i fundit 20 Prill 2016, 17:45
Dy shqiptarë dhe një shtetas maqedonas u arrestuan nga policia italiane për trafik të narkotikëve. Shqiptarët 31 dhe 26 vjeç, muratorë, si dhe maqedonasi 53 vjeç, banonin në Xhenova, teksa u arrestuan për 1 kg kokainë. Rasti është i pazakontë për mënyrën se si shqiptarët kishin fshehur drogën në bukën në formë sanduiçi. Ata u takuan në sheshin Piazza Manin të qytetit mes kalimtarëve të shumtë, ku shtetasi maqedonas u dha dy bukë dy shqiptarëve.
Kjo dukej si një shkëmbim normal i produkteve, por brenda dy bukëve kishte nga 500 gramë kokainë. Policia ishte informuar se dy shqiptarë shkonin në mënyrë periodike në një banesë të rinovuar kur tërhiqnin produkte ushqimore dhe policia u vu në lëvizje, duke i vëzhguar ata. Dje, dy shqiptarët dolën nga banesa në Berghini dhe u nisën për në Piazza Manin për të tërhequr dy bukët, por aty gjetën policinë. Forcat e rendit hapën bukët ku gjetën drogën dhe arrestuan tre personat. Gjatë një kërkimi në banesën e tyre u gjetën edhe 150 gram kokainë të fshehur në vrimën e një muri. Policia ka sekuestruar edhe 1 mijë euro, ndërsa të arrestuarit u dërguan në burgun Marassi.
