Arrestohet në Durrës italiani i kërkuar për mashtrim financiar, rrezikon 10 vjet burg
Nga OraNews Përditësimi i fundit 12 Mars 2016, 16:49
Policia e Shtetit brenda 24 orëve nga mbërritja e urdhërit të arrestit, kap dhe ndalon një shtetas italian të shpallur në kërkim ndërkombëtar për "Krime Financiare".Në pranga ka rënë shtetasi Stefano Giaciomelli, 59 vjeç, lindur në Bolognia të Italisë dhe banues në lagjen Nr.13 në Durrës.Kapja e tij u bë si rezultat i një operacioni të mirëorganizuar nga Drejtoria për Hetimin e Krimit Ekonomik e Finaciar në Policinë e Shtetit në bashkëpunim me Drejtorinë e Posaçme Operacionale.Policia thitë se me datë 12.03. 2016 në Lagjen Nr. 13 Durrës, u bë i mundur lokalizimi i ambjeteve të banimit, kapja dhe ekzekutimi i urdhërit ndërkombëtar të arrestit për 59 vjeçarin, ndaj të cilitGjykata e Torinos me Vendimet nr 19668/1013 RGNR dhe nr 20191/14 R.G.GIP, datë 27.11.2014, e ka lëshuar urdherin e arrestit për "Krime Financiare" në bashkëpunim, parashikuar nga nenet 267/1943 seksioni 216/1/2/3 etj, për të cilat parashikohet dënimi deri në10 vjet burg.Urdhëri i arrestit është transmetuar nëpërmjet Interpol Tirana ditën e djeshme me date11.03.2016.Strukturat e Drejtorisë Për Hetimin e Krimit Ekonomik e Financiar ishin angazhuar dy javë me parë dhe po bashkëpunonin për hetimin e rastit, identifikimin, lokalizimin, gjetjen e vendndodhjes së personit, në bashkëpunim me Drejtorinë e Forcës së Posaçme Operacionale, dhe Interpol Tirana, bazuar në kërkesat paraprake të autoriteve policore italiane.Ekzekutimi i vendimit të arrestit për qëllime ekstradimi, u bë në bashkëpunim me strukturat vendore për hetimin e Krimit Ekonomik e Financiar në Drejtorinë Vendore të Policisë Durrës, dhe materialet do t'i kalojnë Prokurorisë prane Gjykatës së Shkallës së Parë Durrës në bazë të kompetencave vendore.Sipas policisë së Durrësit, strukturat e Drejtorisë për Hetimin e Krimit Ekonomik e Financiar në Policinë e Shtetit, po investigojnë aktivitetet e tij të dyshimta kriminale në fushën Ekonomike e Financiare dhe lidhjet e tij edhe në Shqipëri.
