Gjyshja që kërceu me Obamën feston 107 vjetorin

Nga OraNews Përditësimi i fundit 12 Mars 2016, 13:05

Virginia McLaurin, njohur ndryshe si gjyshja Virginia, është shndërruar në një sensacion në rrjetet sociale në internet, pasi mbushi plot 107 vjeçe dhe ka festuar më së miri ditëlindjen e saj.Ajo është nderuar me medaljen e Nderit nga presidenti i SHBA-ve Barack Obama, për vitet e saj të punës si vullnetare.Një mobilieri në Uashington, i ka dhuruar zonjës McLaurin mobilje të reja për dhomën e saj të gjumit në përvjetorin e 107.McLaurin ka punuar për vite si vullnetare në programin e të moshuarve Foster."Energjia e saj por mbi të gjitha angazhimi, përkushtimi. Zakonisht të moshuarit, kur arrijnë një moshë të caktuar, zakonisht e ngadalësojnë ritmin. Por jo Virginia" tha drejtuesja e projektit, Cheryl Christmas.Video e publikuar një muaj më parë në Shtëpinë e Bardhë dhe të Virginias teksa kërcente me presidentin Obama shkaktoi sensacion në internet.Vetë gjyshja tha se kishte vite që e ëndërronte vizitën në Shtëpinë e Bardhe e jo më kërcimin me presidentin Obama."Mendoja se nuk do të jetoja kurrë kaq gjatë sa të shihja Shtëpinë e Bardhë" i tha ajo çiftit Obama."Jam shumë e lumtur. Një president me ngjyrë, gruaja e tij me ngjyrë dhe unë jam këtu për të festuar historinë e njerzve me ngjyrë" tha ajo./Oranews.tv/