Gazetari grek del sot para Gjykatës
Nga OraNews Përditësimi i fundit 1 Nëntor 2012, 09:34
Ndërsa sot do të dalë para gjykatës me akuzën se ka shkelur privatësinë, gazetari grek Kostas Vaxevanis që bëri lëmsh Greqinë duke publikuar një listë emrash që dyshohen se nuk kanë paguar taksat, thotë se ata që duhet të hetohen janë politikanët grek."Tre qeveritë e fundit kanë mashtruar dhe janë tallur me popullin grek me këtë listë" tha Vazevanis në një intervistë për BBC ."Ata ishin të detyruar ti kalonin këto emra në parlament ose në sistemin e drejtësisë , por nuk e bënë këtë se do shkonin vetë në burg" tha 46 vjeçari.Sa i përket arrestimit të tij me akuzën për shkelje të mbrojtjes së të dhënave personale si dhe për shkelje të të drejtave të personalitetit të të prekurve, Vaxevanis kritikon veprimin e autoritetetve që sipas tij duan t'i mbyllin gojën shtypit.Të gjithë emrat gjenden në listen Lagarde-s thotë Vaxevanis janë të gjithë të përfshirë në evazionin fiskal.Në fund të vitit 2010, ish-ministrja franceze e Financave, Kristin Legarde, tani presidente e FMN-së, ia dha informacionin homologut të saj grek në atë kohë, Jorgo Papakonstantinu. Në dëshminë e tij këtë muaj para Parlamentit ai fajësoi hetuesit specialë për krimet financiare të Greqisë, që kishin dështuar në ndjekjen e hapave pas marrjes së informacionit. Kur u largua nga detyra, Papakonstantinu ia kishte dorëzuar listën pasardhësit të tij, lideri të Partisë Socialiste, Evangelos Venizelos, i cili drejtoi Ministrinë e Financave në mesin e vitit të kaluar, kur Greqia ishte afër falimentimit.Fillimisht Venizelos ka mohuar se ka dijeni për listën, por një kopje e saj i ishte dorëzuar Kryeministrit grek muajin e kaluar.Venizelos tha se nuk kishte vepruar mbi emrat e kësaj liste, pasi avokatët i kishin thënë se informacioni ishte siguruar në mënyrë të jashtëligjshme dhe nuk mund të përdorej.Mediat greke kanë ngritur dyshime nëse përmbajtja e asaj liste mund të ishte transformuar që atëherë dhe ministri grek i Financave, Janis Sturnaras, ka kërkuar versionin origjinal të listës nga autoritetet franceze me kërkesë të prokurorëve grekë.
