Tatimet bllokojnë pasurite e 15 mijë bizneseve
Nga OraNews Përditësimi i fundit 27 Shkurt 2016, 20:11
Pasuritë e regjistruese të rreth 15 mijë bizneseve në të gjithë vendin janë vënë nën sekuestro nga tatimet për mosshlyerje të detyrimeve.Drejtoria e Përgjithshme e Tatimeve ka përditësuar listën të subjekteve debitore me barë siguruese dhe hipotekore kur rezulton se 14 887 biznese ose rreth 1/10 e totalit të subjekteve në Shqipëri nuk kanë paguar taksat për vite me radhë. Madje për një pjesë prej tyre detyrimet e papaguara datojnë që prej vitit 2010.Burime zyrtare pranë tatimeve shpjegojnë se sipas ligjit bizneseve u janë kërkuar llogaritë bankare apo automjetet, pronat e patundshme dhe gurët e çmuar deri në shlyerjen e plotë të borxhit.Nëse edhe pas kësaj mase ata nuk paguajnë atëhere pasuritë e tyre do të dalin në shitje.Burimet e mësipërme bëjnë të ditur se gjatë këtij viti do të zhvillohen shumë ankande për shitjen e pasurive të bllokuara me qëllim mbledhjen e detyrimeve dhe shlyerjen borxhit tatimor./Oranews.tv/
