Arrestohet 50-vjeçari, u kap me armë, municione dhe tritol
Nga OraNews Përditësimi i fundit 26 Shkurt 2016, 12:27
Policia e e Elbasanit ka sekuestruar municione luftarake, tritol dhe një armë zjarri, ndërsa ka arrestuar edhe poseduesin e tyre."Mbi bazën e informacioneve të marra në rrugë operative, Specialistët e Sektorit Kundër Narkotikëve dhe Trafiqeve, në Drejtorinë Vendore të Policisë Elbasan, finalizuan me sukses operacionin e koduar “ARSENALI” Si rezultat i këtij operacioni, u bë arrestimi në flagrancë i shtetasit Ismail Hyka, 50 vjeç, banues në fshatin Karakullak Elbasan.", thuhet ne njoftimin e policisë50-vjeçari u arrestua nga efektivat e policisë, pasi gjatë kontrollit të ushtruar në banesën e tij, u gjetën dhe u sekuestruan në cilësinë e provës materiale:Një armë zjarri automatik kallashnikov,500 copë fishekë pistolete,3000 copë fishekë automatiku,3 granata dore ofensive,20 granata dore difensive23 copë ndezës metalike,5 krëhëra automatiku kallashnikov,3 krëhëra pushke,8 kallëpe tritoli TNT 200 gr,1 kapsolle plasëse me fitilMaterialet i kaluan Prokurorisë së Rrethit Gjyqësor Elbasan për veprime të mëtejshme për veprën penale “Trafikimi i armëve dhe i municionit”, “Prodhimi dhe mbajtja pa leje e armëve luftarake dhe e municionit” dhe “Trafikimi i lëndëve plasëse, djegëse, helmuese dhe radioaktive” parashikuar nga nenet 278/a, 278, 282/a të Kodit Penal.
