Alibeaj: Komisioni i Venecias mbështet 70% të rekomandimeve të PD
Nga OraNews Përditësimi i fundit 21 Dhjetor 2015, 09:12
Komisioni i Venecias ka mbështetur 70% të vërejtjeve dhe rekomandimeve të demokratëve për reformën në drejtësi. Enkelejd Alibeaj, kreu i grupit të ekspertëve të PD për reformën në drejtësi tha se thelbi i rekomandimeve lidhet me thjeshtëzimin e organizmave kushtetuese.Alibeaj u shpreh ndër të tjera se Reforma në drejtësi s'ka nevojë për emocion politik por duhet të realizohet me mendje të ftohtë për të qenë reale.Në fjalën e tij Enkeled Alibeaj nuk ka la pa akuzuar edhe kryeministrin Edi Rama që sipas tij po tenton që të deviojë dekriminalizimin.Enkelejd Alibeaj: 70% e rekomandimeve, këshillave dhe vërejtjeve tona janë gjetur të bazuara dhe arsyetimi i opinionit të Komisionit të Venecias mbështet rreth 70% në mos më tepër të vërejtjeve tona. Kritika e Komisionit të Venecias që përbën njëkohëisht edhe një këshill sesi në të ardhmen do të duhen të rishkruhen edhe njëherë këto projekt amendamente, përmblidhen në atë sintezën që Komisioni ka bërë në 8 cështje kryesore. E para thotë këtë: numri i madh i organizmave të reja kushtetuese mbi drejtësinë do të duhet të thjeshtëzohet, do të duhet të shkurtohet, do të duhet të rudhet. Pra nuk duhet të jenë kaq organe të reja kushtetuese që kanë të bëjnë me drejtësinë, sepse krijon një lloj rialiteti të ri, krijon një klime të re, një frymë të re, e panjohur dhe e patestuar për shqiptarët, ata të cilët merren me sistemin e drejtësisë. Kjo ka një rrezik të madh, mosbashkëpunimi i këtyre organeve dhe të mos japi një lloj frye të tille konsolidimi të sistemit të drejtësisë.
