Nënshkruhet Marrëveshja për Krijimin e Fondit të Ballkanit Perëndimor
Nga OraNews Përditësimi i fundit 14 Nëntor 2015, 22:18
Në kuadër të Konferencës vjetore të Ministrave të Punëve të Jashtme të vendeve të Vishegradit (Çeki, Hungari, Poloni, Sllovaki) dhe atyre të Ballkanit Perëndimor, ku morën pjesë gjithashtu zëvendës Presidenti i Komisionit Evropian Frans Timmermans, dhe Ministri i Punëve të Jashtme i Mbretërisë së Bashkuar, Philip Hammond, u nënshkrua në Pragë Marrëveshja për Krijimin e Fondit te Ballkanit Perëndimor.Ministrat e Punëve të Jashtme të Shqipërisë, Bosnje-Hercegovinës, Malit të Zi, Maqedonisë, Kosovës dhe Serbisë nënshkruan Marrëveshjen për Krijimin e Fondit të Ballkanit Perëndimor.Krijimi i këtij fondi të përbashkët ka si qëllim financimin e projekteve të vogla dhe të mesme në fusha si arsimi, kultura, mjedisi, bashkëpunimi rinor, bashkëpunimi ndërkufitar, etj. Selia e Fondit do të jetë në Tiranë.Në konferencën për shtyp të mbajtur me këtë rast, Ministri Bushati theksoi se akti i nënshkrimit ishte kurorëzim i një bashkëpunimi konstruktiv disa-vjeçar mes vendeve të rajonit.Ai shprehu mirënjohjen për vendet e Vishegradit - Republikën Çeke, Poloninë, Hungarinë dhe Sllovakinë, për iniciativën dhe ndihmën në ngritjen e një fondi sipas modelit të Fondit Ndërkombëtar të Vishegradit.Ceremonia e nënshkrimit të Marrëveshjes u pasua nga një takim i ministrave të jashtëm të Ballkanit Perëndimor, ku ata diskutuan mbi hapat që duhen ndjekur deri në formalizimin e Fondit dhe fillimin e aktivitetit të tij.Kjo është hera e parë që në Shqipëri vendoset selia e një organizate rajonale, dëshmi e një kontributi në rritje të vendit tonë në drejtim të politikave të bashkëpunimit rajonal dhe fqinjësisë së mirë.
