Michael Caine në "Youth" , Aktori veteran në rolin e një dirigjenti britanik në pension
Nga OraNews Përditësimi i fundit 19 Tetor 2015, 18:55
Dy aktorët veteranë Michael Caine dhe Harvey Keitel janë protagonistë të komedisë dramatike “Youth”.Ngjarjet zhvillohen në një qëndër relaksi, SPA, në Alpet Zvicerianë, ku Caine luan rolin e një dirigjenti britanik në pension, i cili refuzon të drejtojë një koncert të fundit përpara Mbretëreshës, ndërsa Keitel interpreton rolin e një skenaristi të famshëm që është duke përfunduar një skenar.Në Premierën e filmit në Londër, Caine, vlerësoi regjisorin Paolo Sorrentino, i cili shkroi pjesën për aktorin 82-vjeçar. “U mrekullova nga skenari.Pjesa më e mrekullueshme ishte kur pashë se filmi titullohej “Rinia”.Nisa ta lexoj , u përqëndrova dhe thashë "Ok". Më pas, gjatë leximit kuptova që ishte skenari më i mirë që kisha lexuar ndonjëherë dhe kjo më beri të ndryshoj mendim pasi kisha vendosur të mos merrja më përsipër role kryesore sepse kohët e fundit jam dembelosur, por ky rol ishte ai që unë doja të luaja.Kurse aktorja Rachel Weisz luan Lenën, vajzën e brishtë dhe delikate të dirigjentit.“Është fanstastike!Michael Caine, Harvey Keitel, Jane Fonda janë aktorë legjendarë që në këtë projekt interpretojnë role legjendare. Kështu që mendoj se regjisori po luan me idenë e ikonografisë dhe kjo është shumë zbavitëse”.Filmi bazohet në një histori të vërtetë nën drejtimin e e regjisorit Sorentino, fitues i çmimit Oskar. Rinia do të shfaqet në kinema në 4 dhjetor 2015. /Oranews.tv/
