Stuhitë “apokaliptike” në Francë lënë 17 të vdekur e mijëra shtëpi të shkatërruara
Nga OraNews Përditësimi i fundit 5 Tetor 2015, 08:30
17 të vdekur dhe 4 të humbur është bilanci tragjik i përmbytjeve dhe stuhive të shiut që kanë goditur rivierën franceze.Qeveria ka shpallur gjendjen e fatkeqësisë natyrore në juglindje të vendit, ku shumë rrugë në Kanë dhe Nicë janë totalisht të bllokuara dhe mijëra shtëpi kanë mbetur pa energji elektrike.Në një orë në qytetin e Kanës sipas autoriteteve ka rënë shi sa për një muaj, teksa moti i frikshëm nisi që prej të shtunës në mbrëmbje.Meteorologët francezë thonë së ky mot nuk ishte parë që prej vitit 1942. Situta doli jashtë kontrollit në momentin kur lumi Brague doli nga shtrati duke përmbytur fshatra dhe qytete, por veçanërisht Kanën.Pjesa më e madhe e viktimave ishin njerëz të bllokuar në makina, të gjendur të papërgatitur nga stuhia.Qindra të tjerë janë evakuar, kurse institucionet janë mbyllur.Kryebashkiaku i Kanës e konsideroi danteske stuhinë, teksa bëri thirrje për vigjilencë.Zonat e përmbytura janë vizituar edhe nga Presidenti francez, Fransua Holondë dhe Ministri i Brendshëm Bernard Kazanueve.2500 pelegrinët italianë të cilët kishin mbetur të bllokuar si pasojë e motit të keq, më në fund vijuan udhëtimin e tyre me 5 trena.Sipas autoriteteve gjendja e tyre shëndetësore është e mirë.
