Skandali i Volkswagen, manipulimi i kompanisë prek dhe tregun europian
Nga OraNews Përditësimi i fundit 24 Shtator 2015, 15:20
Manipulimi i kompanisë së prodhimit të automjeteve Volkswagen ka ndodhur edhe ne Europë, jo vetëm në Shtetet e Bashkuara të Amerikës. Konfirmimi vjen nga ministri gjerman i Transporteve Alexander Dobrindt i cili shprehet:"Jemi informuar se edhe në Europë, automjetet me motorë dizel 1.6 dhe 2 kubikë, janë prekur nga manipulimet e kompanisë , tha ai në një konferencë shtypi, duke shtuar se nuk ka një shifër se sa autombjete janë prekur në Europë. Ministri tha gjithashtu se testet e radhës do të kryen nga kompani të tjera dhe jo nga Volkswagen.I pyetur nga gazetarët , bazuar në revisten Autobild, nëse nga ky skandal është prekur edhe MBË x3 xdrive, Dobrindt tha se nuk ka indormacion dhe se nuk mund të spekulojë pa kryer kontrolle të mirëfillta. Aksionet e BMË pësuan ulje në bursën e Frankfurtit menjëherë pas lajmit të publikuar nga revista. Ndërkohë një ditë më parë kreu ekzekutiv i Volkswagen dha dorëheqjen duke marrë kështu përgjegjësi për skandalin e fshehjes së ndotjes atmosferike . Gjigandi gjerman i prodhimit të automjeteve pritet t'i paguajë plot 18 miliardë dollarë Agjençisë Amerikane të Mbrojtjes së Mjedisit, pasi makinat e hedhura në treg nuk janë në përputhje me ligjin amerikan. Në fjalën e tij, Martin Vinterkom u shpreh se akti i tij do t'i japë një fillim të ri Volksvagenit pas 8 viteve në krye të kompanisë. Pasardhës të tij të favorizuar shihen kreu i Porsche Matias Myeller dhe shefi i Audit Rupert Stadler./Oranews.tv/
