Përmbytje masive në Japoni, evakuohen 170 mijë persona
Nga OraNews Përditësimi i fundit 10 Shtator 2015, 15:28
170 mijë njerëz kanë lënë shtëpitë e tyre , një person rezulton i zhdukur dhe dhjetra të tjerë janë plagosur si pasojë e shirave dhe stuhive që kanë përfshirë Japoninë. Në disa zona ka edhe ndërprerje të energjisë elektrike, ndërsa rreziku i rrëshqitjes së tokës mbetet permanent. Situata paraqitet e rëndë veçanërisht në qytetin Joso, në veri Tokios, pas daljes nga shtrati i lumit Kinugawa. Ekipet emergjente shpëtuan me helikopterë banorët të cilët ishin ngjitur nëpër çatitë e shtëpive pas përmmbytjeve masive.Shirat vijnë një ditë pasi stuhia tropikale Etau solli erëra deri në 125 km në orë në prefekturën qendrore Aichi. Zona më e goditur është Ibaraki në prefekturën Tochigi. Japonia goditet nga stuhi të tilla mesatarisht 20 deri në 30 herë çdo vit. Kjo është hera e 18 për këtë vit dhe aktualisht parashikimi i dëmeve është vështirë të bëhet nga ekspertët.
/Oranews.tv/
