Rama: Kisha e vjetër e Dhërmiut do rilindë mbi garazhin pa leje

Nga OraNews Përditësimi i fundit 25 Gusht 2015, 11:13

Kisha në Dhërmi do të prishet për ta rindërtuar atë, sikurse ka qënë para prishjes prej diktaturës.Kështu deklaron kryeministri Edi Rama përmes një postimi në twitter ku publikoi edhe 2 foto njëra tregon kishën para prishjes dhe tjetra ndërtesën aktuale.Kryeministri Edi Rama fton qytetarët që ta kuptojnë ndryshimin, ku kishën aktuale e quan "Garazh pa leje"."Kisha e vjetër e Dhërmiut që do të rilindë në emër të trashëgimisë kombëtare dhe garazhi pa leje që e quajnë kishë" shkruan Rama.Ndërsa një ditë më parë në konferencën on-line me qytetarët, Ram e konsideroi reagimin e ministrisë së Punëve të Jashtme greke si ndërhyrje në punët e brendshme të Shqipërisë.Ndërhyrja e INUK në Kishën e Dhërmiut, është komentuar edhe nga deputeti i zonës Koco Kokëdhima, i cili jo shumë larg qëndrimit të kryeministrit, e quan Kishën thjesht një pllakë betoni në Himarë,që është ndërtuar brenda mureve historike të kishës së vjetër, dikur monument kulture.Deputeti socialist hedh dritë mbi përpjekjet e klerikëve grekë të Kishës Ortodokse, për të goditur një nga figurat e rëndësishme të historisë së Shqipërisë, si Niko Katalani.Për Kokëdhimën, qeveria është përgjegjëse për ta ringritur këtë kishë, këtë herë si muze/Oranews.tv/