Kina në krizë, bursa në Azi dhe në BE në rënie të lirë
Nga OraNews Përditësimi i fundit 24 Gusht 2015, 08:48
Tregjet aziatike kanë pësuar rënie të thellë, si pasojë e frikës së krijuar nga ngadalësimi i ekonomisë kineze. Analistët thonë se masat e marra nga qeveria e Kinës nuk po qetësojnë tregjet, ndërsa investitorët kanë paralajmëruar se nëse kjo situatë vijon, atëherë ata do të ndalin investimet. Por sipas FMN është munduar të qetësojë tregjet ndërkombëtare duke nënvizuar se ekonomia e Kinës nuk është në krizë.Ngadalësimi i rritjes ekonomike të Kinës ka tronditur bursat aziatike që janë hapur këtë fillim jave me rënie.Kina në krizë- Indekset kryesore të aksioneve në Kinë kanë rënë për 7 për qind sot, pavarësisht se Pekini ka autorizuar që fondi pensional shtetëror të investohet në aksione.Bursa e Kinës pësoi humbje të mëdha ndërsa investitorët shprehën zhgënjim për mungesën e likuiditetit për shkak të mosveprimit të bankës qendore. Ata thanë se nëse situata vijon e tillë, do të humbasin besimin dhe interesin për të investuar në ekonominë kineze. Sipas investitorëve tregu kinez po synon të eleminojë klasën e mesme .Nuk kanë qenë të efektshme deri tani tentavat e Pekinit për të ndryshuar tendencën Sipas analistëve, qeveria e Kinës nuk po arrin të qetësojë tregjet pavarësisht se gjatë muajve të fundit ka hedhur në treg likuiditet me shumicë dhe pavarësisht vendimit të bankës qendrore për të zhvlerësuar monedhën vendase me qëllim rritjen e eksporteve. Sipas llogaritjeve të Bloomberg, që në momentin kur Pekini zhvlerësoi momendhën vendase, juan kanë humbur më shumë se 5 mijë miliardë dollarë.Renia te lire ne bursat e Azise - Indeksi Nikkei në Tokjo sot ka rënë për 3.09 për qind. Sidney u mbyll me 4%, Xhakarta me 4.3%, Tajvan me 4.8% më e ulëta prej 8 vitesh.Qeveria tajvaneze nuk e përjashton mundësinë 'për të krijuar një fond për blerjen e aksioneve". Para mbylljes Hong Kong arriti në 4.95%.Edhe bursa koreano jugore pësoi humbje, ndërsa efektet janë ndjerë edhe në tregun Australian ku u regjistrua rënia me e thellë që prej shtatorit 2011.Frikë dhe në tregjet europiane- Bursa e Milanos hapet me një rënie -4 % më pas arriti të rikthehej në -2.3%. Bursa e Londrës dhe Parisit humb me 2.6 %, Frankfurti me 2.9%Ndikimi ne bursën e Wall Street- Ndërkohë Situata e krijuar në tregun kinez të aksioneve ka dhënë ndikim edhe në bursën e Wall Street-it ku u shënua rënia më e thellë në 4 vitet e fundit.FMN perpiqet të qetësojë- Gjatë fundjavës Fondi Monetar Ndërkombëtar bëri deklarata qetësuese për të shmangur një përphapje më të gjerë paniku mes tregjeve.Sipas FMN-së ngadalësimi ekonomik i Kinës nuk mund të konsiderohet si krizë por si një rregullim i nevojshëm i ekonomisë.Kina, që është ekonomia e dytë më e zhvilluar në botë, shënoi në tremujorin e dytë të këtij vit një rritje me 7%, shifra më e ulët që prej 2009-ës. Më 2014 rritja ekonomike e kinës arriti në 7.4%./Oranews.tv/
