Tajfuni godet Filipinet, 10 të vdekur
Nga OraNews Përditësimi i fundit 23 Gusht 2015, 18:01
10 persona kanë mbetur të vdekur nga tajfuni me emrin “Goni” në veri të Filipineve.Tajfuni ka goditur fuqishëm zonën duke shkaktuar rrëshqitje toke dhe përmbytje, thonë zyrtarët.Disa persona humbën jetën kur shtëpitë e tyre u zhytën nën baltë dhe gurë. Të tjerë raportohen të jenë të zhdukur në zonat e përmbytura.Mijëra njerëz janë evakuuar në zona më të larta dhe disa fluturime ajrore brenda për brenda vendit janë anulluar, shkruan BBC.Tajfuni Goni përmbante erëra që arrinin shpejtësi 195 km/h. Megjithatë fuqia e tyre u dobësua pasi kaluan bregun lindor të Tajvanit, tha agjencia e lajmeve AFP.Ky është tajfuni i nëntë nga 20 që godasin Filipinet çdo vit, deklaroi byroja metereologjike e vendit. 
