Menaxhimi i sistemit energjitik, qendra e re Kombëtare Dispeçër përfundon në vjeshtë
Nga OraNews Përditësimi i fundit 21 Korrik 2015, 16:02
Ministri i Energjisë Damian Gjiknuri, dhe administrator i Operatorit të Sistemit të Shpërndarjes, Engjell Zeqo ndoqen nga afër punimet per ndërtimin e qendrës dispeçër të energjisë elektrike. Projekti qe ka nisur tre vjet me parë, synon kontrollin dhe drejtimin e sistemit elektroenergjitik, duke shfrytezuar plotesisht kapacitetet energjitike.Në vjeshtën e këtij viti, pritet që Shqipëria të ketë qendrën e re dispeçër për monitorimin dhe kontrollin e gjithë sistemit elektroenergjitik në vend. Ministri i Energjitkes, Damian Gjiknuri dhe Adminstratori i Operatorit të Sistemit të Shpërndarjes së Energjisë Elektrike, Engjell Zeqo, inspektuan punimet për ndërtimin e qendrës, nje investim prej 23 milionë euro i mbështetur nga Shteti Italian.Damian Gjiknuri: Është në përputhje me të gjithë atë strategjinë që ne kemi dhënë dhe që do e përfundojmë besoj deri në vitin 2020 që Shqipëria të jetë plotësisht e integruar me rrjetin rajonal dhe rrjeton europian të energjisë elektrike.Ministri Damian Gjiknuri, theksoi se ngritja e kësaj qendre kontrolli, është hap i rëndësishëm në zhvillimin e tregut energjitik.Damian Gjiknuri: Do të bëjmë të mundur edhe për investimet private, për shkëmbime më të mira të energjisë të Shqipërisë me vendet fqinje, që në fund të fundit do të thotë sigurim me energji elektrik.Ndërtimi i qendrës së re dispeçer, do të bëjë të mundur kontrollin dhe drejtimin e sistemit bazuar në teknologjinë bashkëkohorë, dhe mendohet të jetë një faktor kryesor i shfrytëzimit optimal të kapaciteteve energjitike.
