Zënkë mes dy shqiptarësh, plagos me thikë patriotin e tij, arrestohet 20-vjeçari
Nga OraNews Përditësimi i fundit 9 Korrik 2015, 09:13
Një shtetas shqiptar është arrestuar nga karabinierët e Pomecias, ditën e djeshme më 8 korrik, nën akuzën e tentativës për vrasje të një tjetër shqiptari.Gjithçka nisi nga një grindje e vogël, e më pas 20-vjeçari me inicialet S.K. goditi me thikë bashkatdhetarin e tij në plazhin e zonës Torvaianica, raportojnë mediat italiane.I plagosuri u dërgua menjëherë në spitalin Sant’Anna të Pomecias, ku iu nënshtrua një operacioni.Ndërsa 20-vjeçari pasi plagosi patriotin e tij, u largua duke u munduar të humbë gjurmët në turmën e njerëzve që ndodheshin në plazh.Por ndërhyrja e menjëhershme e karabinierëve pasi mblodhi dëshmitë e disa plazhistëve arriti ta ndjekë shqiptarin. Ai ishte fshehur në kasollen përgjatë plazhit e një tjetër shqiptari, 42-vjeçarit me inicialet J.A. i cili po përpiqej ta ndihmonte 20-vjeçarin të shpëtonte.Autoritetet italiane i arrestuan të dy shqiptarët, 20-vjeçarin nën akuzën e tentativë vrasjeje, ndërsa 42-vjeçarin për bashkëpunim në arratisje.Tani policia po punon për zbardhjen e plotë të ngjarjes për të kuptuar motivet e plagosjes.
