Fermerët përfitojnë nga grantet, 13 fituesit nga zonat e thella rurale
Nga OraNews Përditësimi i fundit 7 Korrik 2015, 17:41
Qeveria gjermane dhe daneze ka vënë në dispozicion të fermerëve shqiptarë një shumë prej 270 mijë eurosh në formë grantesh. Në bazë të programit vëmendja është përqëndruar në kombinimin e bujqësisë dhe turizmit.Nga skema e granteve mësohet se kanë përfituar rreth 13 fermerë të cilët do ti investojnë ato në agropërpunim dhe vijnë nga zona të thella rurale.Përfituesit e drejtpërdrejtë janë aplikantët fitues nga Shkodra, Kukësi, Dibra, Elbasani, Berati dhe Korça.Ata do të investojnë në mekanizimin e fermave të tyre me fruta dhe arrorë dhe në pajisjet e përpunimit të qumështit të ripërtypësve të vegjël, duke synuar rritjen e prodhueshmërisë dhe cilësisë së produkteve.Një nga përparësitë e këtyre skemave është mbështetja për gratë dhe sipërmarrësit e rinj.
