Laguna e Patokut, PD: Rama ia dha me koncesion vëllait të deputetit Prenga
Nga OraNews Përditësimi i fundit 7 Prill 2015, 10:50
Partia Demokratike, ka akzuar kryeministrin Edi Rama, se në mënyrë korruptive dhe për interesa të ngushta, i ka dhënë vëllait të deputetit të qarkut Lezhë Armando Prenga, administrimin e Lagunës së Patokut.Drejtuesi i departamentit për Çështjet e Sigurisë, në Partinë Demokratike, Bashkim Shehu, tha se tenderimi është në shkelje të të gjithë kritereve teknike, dhe kompania fituese rezulton të jetë krijuar 2 muaj më parë.Bashkim Shehu: "Armando Prenga po forcon lidhjet me Edi Ramën përmes biznesit korruptiv në Lagunën e Patokut. Ky është një rast i pastër i lidhjeve kriminale me korrupsion. PD paralajmëron Edi Ramnë dhe ortakët se nuk do të njohë kontratën korruptive në momentin e parë kur të marrë përgjegjësinë për vendin”Sipas Partisë Demokratike, ka informacione se deputeti socialist Armando Prenga, ka ushtruar aktivitete kriminale brenda dhe jashtë vendit, ndaj sipas tyre ai po i forcon lidhjet me Edi Ramën përmes biznesit korruptiv.Duke e quajtur një rast të pastër të gërshetimit të lidhjeve kriminale me korrupsion e biznes qeveritar, PD paralajmëron se do ta anulojë këtë koncesion.Por Ministria e Bujqësisë i cilëson akuzat tërësisht politike, duke pretenduar se procesi i dhenies ne administrim i Lagunes është bërë me konkurim te hapur dhe sipas ligjit. Deklarata e plote e PD-seNdërsa dekriminalizimi është kthyer në nevojë jetike dhe në urgjencë kombëtare, Edi Rama, autori i inkriminimit masiv të institucioneve e parlamentit, jo vetëm nuk po reflekton, por po bën të kundërtën, po bën edhe biznes me lidhjet e tij kriminale.Dhënia e lagunës së Patokut, një prej pasurive kombëtare, vëllait të deputetit Armando Prenga, është padyshim thellimi i inkriminimit.Me një tender të dyshimtë, në shkelje të të gjithë kritereve teknike, vëllai i deputetit të Edi Ramës, ka arritur të fusë në dorë këtë aset të çmuar edhe pse ka një kompani të ngritur enkas, prej 2 muajsh.Kemi këtu dokumentat që tregojnë se kompania e vëllait të deputetit Prenga ka dalë fituese, ndonëse është krijuar vetëm dy muaj më parë.Kështu, Armando Prenga për të cilin ka informacione për aktivitet kriminal në Itali dhe vende të tjera të Europës, me identitet të ndryshuar për shkak të problemeve me drejtësinë, po i forcon lidhjet me Edi Ramën përmes biznesit korruptiv dhe në kurriz dhe dhjetra peshkatarëve që mbanin familjet e tyre deri më sot me këtë aktivitet në Lagunën e Patokut.Ky është një rast i pastër i gërshetimit të lidhjeve kriminale me korrupsion e biznes qeveritar.Kjo është skema e inkriminimit në veprim dhe këtë po bën Edi Rama, me ndarje favoresh të majme me të inkiriminuarit që ka futur në administratë, në zyra, në partinë e tij e deri në parlament.Partia Demokratike paralajmëron Edi Ramën dhe ortakët e tij se nuk do ta njohë këtë kontratë korruptive dhe do ta anullojë atë në momentin më të parë kur të marrrim përgjegjësitë për vendin. 
