Shqipëria strehë edhe e një shpendi të ri Phalaropus Lobatus
Nga OraNews Përditësimi i fundit 30 Mars 2015, 13:25
Shqipëria është kthyer tashmë në një fole të sigurtë për lloje të reja shpendësh.Vendi ynë së fundmi është vizituar nga një lloj shpendi që njihet me emrin Phalaropus Lobatus veçantia e të cilit qëndron në faktin se lekund baraspeshat gjinore në botën e shpendëve.Phalaropus Lobatus mashkull ngroh vezët e kujdeset për të vegjlit, teksa femra endet për të gjetur ushqim dhe partner tjetër.Prania e kësaj specieje të re që ende nuk ka një emër në shqip, e çon numrin e llojeve të shpendëve nga 353 në 354 në vendin tonë.Phalaropus Lobatus, u vërejt në zonën e mbrojtur "Vjosë Nartë" përgjatë monitorimit vjeshtor të shpendëve shtegëtues në vitin 2014.Ky lloj shpendi shtegëton përgjatë gusht - shtatorit përmes Europës për të dimëruar në Detin Arabik.Në Europë përfshirë këtu edhe Ballkanin ky lloj mund të shihet rradhë herë përgjatë shtegëtimit vjeshtor kryesisht në mjedise bregdetare dhe këneta.
