Urimet e vipave shqiptarë për kombëtaren, ja entuziazmi i tyre në rrjetet sociale
Nga OraNews Përditësimi i fundit 30 Mars 2015, 09:01
Fitorja e kuq e zinjve është përshëndetur dhe uruar edhe nga këngëtarët shqiptarë të cilët kanë shprehur entuziazmin dhe krenarinë nëpërmjet rrjeteve sociale.Një ndër ta është edhe Flori Mumajesi i cili ka qenë i pranishëm në stadiumin "Elbasan Arena" duke e ndezur më tepër atmosferën mes tifozëve të zjarrtë me këngën dedikuar kombëtares, por nuk ka lënë “pas dore” edhe rrjetin social "Facebook" për të ndarë momentet emocionuese të kësaj ndeshje, e cila u kurorëzua me fitore.
Elvana Gjata gjithashtu e pranishme në festën e organizuar në Elbasan ka festuar sëbashku me tifozët kuq e zi fitoren e madhe të kombëtares tonë si dhe ka shpërndarë dhe momentet më emocionuese të ndeshjes siç ishte dhe shënimi i golave.
Aurela Gace nuk kishte se si të mos festonte për fitoren e kombëtares, në një postim në facebook ajo shkruan: “Duke ndodhur tani . Mbas festës për fitoren e Kombëtares ,ne akoma festojmë, se jeta është e shtrenjtë”
Bleona Qerreti gjithashtu ka uruar dhe pritur me entuziazëm fitoren e Kuq e Zinjëve, këtë e shpreh edhe në rrjetin social “Facebook”.
