Rama garanton Donald Lu: Bashkë në koalicionin global kundër ISIS
Nga OraNews Përditësimi i fundit 22 Janar 2015, 21:10
Shqipëria do të vazhdojë të kontribuojë në koalicionin global kundër Shtetit Islamik dhe të promovojë harmoninë fetare.Këtë garanci ka dhënë kryeministri Edi Rama gjatë takimit të parë me Ambasadorin e Shteteve të Bashkuara, Donald Lu.Zyra e shtypit pranë Kryeministrisë ka përcjellë për mediat vetëm një foto të takimit, në qëndër të së cilit ishte miqësia e ngushtë mes dy vendeve dhe bashkëpunimi në kuadër të aleancës në NATO.Kryeministri Rama e njohu Ambasadorin Lu me prioritetet e qeverisë shqiptare dhe e siguroi atë për rolin e vazhdueshëm që Shqipëria, si vend anëtar i NATO, do të luajë në nxitjen e paqes dhe stabilitetit në rajon, ndërsa e falenderoi ambasadorin Donald Lu për kontributin e vyer që Shtetet e Bashkuara kanë dhënë për shqiptarët dhe Shqipërinë si dhe për mbështetjen e vazhdueshme të qeverisë amerikane ndaj integrimit europian të vendit tonë.
