OKB, do dërgojë paqeruajtës në Siri
Nga OraNews Përditësimi i fundit 23 Tetor 2012, 10:10
Organizata e Kombeve të Bashkuara ka deklaruar se kanë filluar përgatitjet për dërgimin e mundshëm të paqeruajtësve në Siri, si pjesë e marrëveshjes potenciale për armëpushim.Kjo deklaratë e djeshme e shefit të operacioneve paqeruajtëse të OKB-së, Herve Ladsous, u bë në kohën e përpjekjeve nga i dërguari ndërkombëtar, Lakhdar Brahimi, për ta bindur qeverinë e Sirisë dhe kryengritësit, për implementimin e armëpushimit gjatë festës myslimane të Bajramit.Zoti Ladsous ka thënë se Këshilli i Sigurimit i OKB-së, do të duhet ta miratoj ndonjë vendosje eventuale të paqeruajtësve. Ai theksoi se në Siri çdo ditë po vriten nga 150 e deri në 200 civilë.
