Politika e Kosovës "drekë me bereqet", Thaçi zgjon shpresat e marrëveshjes
Nga OraNews Përditësimi i fundit 18 Tetor 2014, 19:50
“Drekë me bereqet”. Kështu i është përgjigjur kryeminsitri i Kosovës Hashim Thaçi gazetarëve në lidhje me takimin me liderët e bllokut dhe presidentes së Kosovës Jahjaga, në Festën e Lamës, ose ndryshe të drithit.
Interesi i gazetarëve nuk është i rastësishëm, pasi takimi në Gjakovë vjen disa orë pas kafes gjerësisht të komentueshme mes Thaçit dhe liderit të lidhjes demokratike të Kosovës Isa Mustafa.
Në kontekstitn politik, Thaçi ka të drejtë, Festa e Lamës duket më me bereqet se kafja e Prishtinës, pasi në Gjakovë ishtë edhe Ramush Haradinaj dhe Presidentja e Kosovës.Pavarësisht se si Thaçi ashtu edhe Mustafa deklarojnë se në takimet e tyre nuk është biseduar për politikë, ngërci paszgjedhor duket më i zbutur pas akuzave dhe luftës për pushtet që ka mbizotëruar që pas 8 qershorit.Në mënyre hipotike, ose ka pasur marrëveshje jo zyrtare mes palëve, ose politika vertetë ka marrë një ditë pushim në këtë situatë të vështirë për Kosovën, ku krijimi i insitucioneve të pavarura është një nevojë emergjente.Gjithsesi presidentja Jahjaga u ka bërë thirrje palëve për kapërcim të ngërcit, pas krisjes së marrëdhënies me Shtetet e Bashkuara të Amerikës dhe partner të tjerë ndërkombëtar.Kurse Hashim Thaçi I PDK -së dhe blloku i përbërë nga LDK, AAK, VV dhe nisma, nuk po bien dakord për postin e kreut të parlamentit, gjë e cila ka bllokuar krijimin e qeverisë dhe inistucioneve.
