Hong Kongu përplas SHBA-në me Kinën
Nga OraNews Përditësimi i fundit 30 Shtator 2014, 14:01
Protestat në Hong Kong, përpos problemeve brenda vendit, kanë shfaqur edhe marrëdhënien delikate mes Kinës dhe Shteteve të Bashkuara të Amerikës. Pas thirrjes amerikane ndaj Kinës, që të ushtrojë ndikimin e saj në mbrojtje të protestuesve në Hong Kong, Kina është përgjigjur menjëherë, duke rikonfirmuar mbështetjen ndaj qeverisë në Hong Kong dhe duke u shprehur që të gjitha vendet e huaja duhet të qëndrojnë jashtë punëve të brendshmë të tyre.Ministri i Jashtëm kinez, Hua Cuning, në një konferencë për mediat, tha se protestat në Hong Kong janë të paligjshme dhe se qeveria kineze kundërshton me vendosmëri aktivitetet e ndryshme ilegale në Hong Kong, që rrezikojnë sundimin e ligjit dhe stabilitetin social në vend.Cuning nënvizoi se Hong Kongu është një nga rajonet e veçanta administrative të Kinës dhe gjithçka ndodh aty, është çështje e brendshme kështu që ne u kërkojmë vendeve të tjera të jenë të kujdeshme dhe të mos përzihen në asnjë mënyrë me punët tona, tha ai. Ndërkohë, Shtetet e Bashkuara i bënë thirrje Kinës të ushtrojë përmbajtje në Hong Kong, ku mijëra protestuesë pro-demokracisë po shprehin pakënaqësitë e tyre në rrugë.Në Uashington, Zëdhënësi i Shtëpisë së Bardhë, Josh Earnest, tha se Shtetet e Bashkuara po i bëjnë thirrje të dyja palëve që të jenë të kujdesshme. Ai gjithashtu tha se Shtetet e Bashkuara kanë qenë të qarta në mbështetjen e tyre për votuesit në Hong Kong në zgjedhjet e ardhshme.Protestuesit janë të zemëruar nga vendimi i Pekinit për të miratuar vetëm kandidatët që marrin miratimin e tij për të marrë pjesë në zgjedhjet e udhëheqjes së Hong Kongut në vitin 2017.Policia në Hong Kong ka përdorur gaz lotsjellës në përpjekjet për të shpërndarë mijëra protestues pro-demokracisë, që kanë bllokuar distriktin financiar të qytetit, duke sfiduar paralajmërimet e qeverisë për t'u larguar nga kjo zonë.Oranews.tv
