Mazniku sqaron studentët: Ja si do të transferoheni nga universitetet e mbyllura
Nga OraNews Përditësimi i fundit 12 Gusht 2014, 16:45
Tiranë – Ministria e Arsimit u ka ofruar studentëve që duhet të transferohen nga universitetet e mbyllura tashmë, të gjithë ndihmën juridike të nevojshme për këtë proces dhe regjistrimin në universitetet e tjea ku ata do të regjistrohen, qofshin shtetërorë apo privatë.Zv.ministri Arbjan Mazniku priti sot studentë të institucioneve private të arsimit të lartë që ju është hequr licenca, për t’i sqaruar nga afër për shqetësimet dhe paqartësitë që ata kanë.Mazniku theksoi edhe një herë tre parashikimet ligjore që i detyrojnë institucionet e arsimit të latë privat të pajisin studentët, pa asnjë pagesë, me dosjen e çregjistrimit ku gjendet dokumentacioni i kërkuar.1) Ligj nr.9741 "Për arsimin e lartë". Neni 44 pika 9 thotë: Licenca përfillimin e veprimtarisë së një institucioni privat përmban edhe detyrimin, që në rastinkur ai institucion ndërpret veprimtarinë e tij, të ofrojë mjetet e nevojshme financiare dhe mundësitë për përfundimin e studimeve të filluara, për të gjithë studentët që janë të regjistruar në institucion.2) Vendim i Këshillit të Ministrave nr. 539, datë 6.8.2014 ku thuhet se IALP të përgatitin dosjen për çdo student, me të gjithë dokumentacionin e nevojshëm, dhe t’ia vënë atë në dispozicion vetë studentit, pa asnjë detyrim financiar shtesë nga ana e tij, brenda datës 1 shtator 2014.http://www.legjislacioni.gov.al/?q=node/24913) Udhëzim i MAS nr.25 datë 11.08.2014. Pika 4 thuhet: Institucionet e arsimit të lartë, të cilave u është hequr licenca, kanë detyrimin të përgatisin dosjen me dokumentacionin e nevojshëm për çdo student brenda datës 1 shtator 2014, dhe t’ia vënë atë në dispozicion çdo studenti pa asnjë detyrim financiar shtesë nga ana e studentit.http://www.arsimi.gov.al/files/neës_files/Udhezim-25-11082014.pdfInstitucionet e Arsimit të Lartë Privat dhe jo studentët janë përgjegjës për parregullsitë ligjore që i çuan ata në humbjen e licencës, ndaj siç parashikon ligji, janë ata që kanë detyrimin që të pajisin studentët më të gjitha mjetet për të vijuar studimet.Mazniku ka theksuar se MAS do të vazhdojë t’i qëndrojë pranë çdo studenti, në të gjitha etapat e këtij procesi, në mënyrë që ata të transferohet pa probleme në një institucion tjetër të arsimit të lartë.Jo më larg se dje, Mazniku i shoqëruar nga Sekretari i Përgjithshëm i MAS, Plarent Ndreca, ka verifikuar pretendimet e studentëve se në universitetin "Vitrina" iu ishin kërkuar para kundrejt tërheqjes së dokumentave të Transferimit.
