Ndihen pasojat e ish-metalurgjikut, zonat të ngopura me ferrokrom
Nga OraNews Përditësimi i fundit 5 Gusht 2014, 14:28
Elbasan - Ish-metalurgjia mbetet një nga zonat më të ndotura përsa i përket lëndëve helmuese të çliruar, por edhe mbetjeve të prodhimeve stoke që kanë qëndruar me vite. Sot këto uzina janë kthyer në grumbuj të mëdha inertesh, që ndotin ambientin dhe deri tani nuk është ndërhyrë për rehabilitimin e këtyre objekteve që përveç ndotjes po marrin jetë njerëzish, për shkak të marrjes së skrapit nën rrënojat e objekteve.Vetëm në vitin 2013 kanë humbur jetën duke marrë skrap nën rrënojat e objekteve pesë persona, ç’ka demonstron, që këto objekte janë kthyer vdekjeprurëse. Me rrezikshmëri më të lartë për ndotjen dhe toksinat është ish-uzina 12, ku të paktën 11 hektar tokë është e tejngopur nga mbetjet e ferro-kromit.Ministria e Mjedisit para disa vitesh nisi një projekt në bashkëpunim me UNDP-në për "Identifikimin e zonave të ndotura me prioritare të Shqipërisë " dhe në hartën e listave të ndotur , ishte dhe ish-uzina 12, për shkak të mbetjeve ferrokromit që është kthyer në një ndotës masiv për këtë zonë dhe rrethinat e saj.Sipas specialistëve të mjedisit kjo zonë është tek ato prioritare të cilat kërkojnë rehabilitim të menjëhershëm për të shmangur rrezikun për shendetin e njerëzve dhe mjedisin. Banorët që banojnë në afërsi të ish-kombinatit metalurgjik kanë vite që vuajmë pasojat e toksikës së madhe në këtë zonë , gjë që ndikon në shëndetin e fëmijëve, por edhe në prodhimet bujqësore. Në pamundësi për t'u zhvendosur diku tjetër, ata kanë kërkuar largimin e mbetjeve toksike që ndikojnë përveç ambientit edhe në shëndetin e tyre.Të parët për lajmin e fundit. Ndiqni Oranews.tv në Facebook dhe në Twitter
