Bushati-Mogherini,marrëveshje bashkëbunimi për Zhvillim me Shqipërinë 2014-2016

Gjate vizites se saj zyrtare ne Shqiperi, me 25 korrik 2014, Ministrja e Puneve te Jashtme italiane, Federica Mogherini, ka firmosur me homologun e saj shqiptar,  Ditmir Bushati nje deklarate politike bashkepunimi lidhur me Programimin e Ri Trevjeçar te Bashkepunimit per Zhvillim me Shqiperine 2014-2016.Programimi i Ri 2014-2016 eshte vazhdimesi e mbeshtetetjes se konsoliduar te Italise ndaj zhvillimit ekonomiko-shoqeror te Shqiperise, mbeshtetje e cila qe prej viteve "90 eshte konkretizuar ne shume projekte qe u perkasin sektoreve te ndryshem me nje vlere te pergjithshme prej rreth 750 milione euro. Ne deklaraten politike te bashkepunimit konfirmohen sektoret strategjike te projekteve te Protokollit te meparshem 2010-12, te riorganizuar dhe te perafruar me kuadrin e ri strategjik kombetar per zhvillim te Shqiperise, sipas kater shtyllave kryesore:

1. Programe ne mbeshtetje te rritjes se qendrueshme me ane te projekteve qe stimulojne konkurrueshmerine dhe inovacionin ne makro sektoret e Zhvillimit Ekonomik dhe Bujqesise e Zhvillimit Rural.
2. Projekte ne favor te zhvillimit shoqeror, te burimeve njerezore, te perfshirjes dhe te kohezionit territorial. Ketu parashikohet nje faze e dyte e Programit te Konvertimit te Borxhit, si dhe nje program specifik ne mbeshtetje te arsimit profesional.
3. Projekte ne mbeshtetje te qeverisjes se mire, demokratizimit dhe shtetit te se drejtes, qe parashikojne nderhyrje per mbeshtetjen e reformes territoriale dhe administrative, ne zhvillim e siper, dhe te luftes kunder korrupsionit.
4. Asistence Teknike ne forme grant-i, e cila do te perdoret per menaxhimin e gjithe Programit per Vendin sipas nje perqasjeje te bazuar mbi rezultatet.

Perveç ketyre, Programimi i Ri 2014 - 2016 mban parasysh rendesine thelbesore per te krijuar projekte sinergjike dhe ne partenariat me OJF-te italiane, promovuese dhe mbeshtetese te proceseve te oënership-it demokratik ne nivel lokal, me qarqet dhe entet lokale italiane qe ofrojne nje mbeshtetje shume te rendesishme ndaj proceseve te decentralizimit, dhe ne pergjithesi me gjithe subjektet dhe punonjesit e "Sistemit Itali", te pranishem ne Shqiperi.Kooperacioni Italian per Zhvillim ne Shqiperi mbeshtet rritjen ekonomiko-shoqerore te Vendit dhe procesin e tij te integrimit ne Bashkimin Evropian me ane te programeve te konsolidimit te sistemeve te prodhimit dhe lidhjes me rrjetet infrastrukturore te qarqeve, te menaxhimit te qendrueshem te burimeve dhe fuqizimit te institucioneve e te sherbimeve sociale, arsimore dhe shendetesore. Nenshkrimi i protokolleve shumevjeçare te bashkepunimit ka garantuar nga njera ane perafrimin e mbeshtetjes italiane me perparesite dhe strategjite sektoriale te Qeverise shqiptare dhe nga ana tjeter, harmonizimin me projektet e donatoreve te tjere nderkombetare. Aktualisht, jane aktive projekte per zhvillim qe kapin ne total shifren prej rreth 300 milione euro, te cilat e bejne Italine nje nga donatoret kryesore nderkombetare aktive ne Vend.