Nikoliç fton sërish për bisedime Athinën dhe Shkupin
Nga OraNews Përditësimi i fundit 29 Dhjetor 2012, 19:19
Presidenti i Serbisë, Tomislav Nikoliç ka përsëritur dëshirën e tij të ndërmjetësojë në mosmarrëveshjet për çështjen e emrit mes Maqedonisë dhe Greqisë, e cila bllokon rrugën e Shkupit drejt antarësimit në Bashkimin Evropian."Kam udhëtuar në dy shtetet dhe kam biseduar me presidentët dhe kryeministrat. Mosmarrëveshja është serioze dhe më duket se mund të zgjidhet kur edhe të parët edhe të dytët do ta kuptonin se me insistim kokëfortësie nuk do të arrinin askund", deklaroi Nikoliç në një intervistë për mediat serbe.Nikolic tha se pret një takim me presidentin e Greqisë dhe të Maqedonisë, që do të ishte biseda e tyre pas kaq kohësh."U thashë edhe të parëve edhe të dytëve se jam në dispozicion, por nëse më lusin që të propozoj zgjidhje, ajo nuk duhet të jetë e pranueshme vetëm për të parët ose vetëm për të dytët. Ballkani nuk guxon të jetë më vend i përplasjeve", deklaroi presidenti serb Nikoliç.Për shkak të konfliktit rreth emrit me Greqinë e cila pretendon territorin e maqedonisë antike ish Republika Jugosllave e Maqedonisë, ashtu si dhe njihet zyrtarisht nga OKB-ja, nuk mund të marrë anëtarisimin drejt BE-së.
