Raporti: Rritet numri i vetëvrasjeve për shkak të krizës ekonomike
Nga OraNews Përditësimi i fundit 12 Qershor 2014, 13:48
Kriza ekonomike në Europë dhe në Ameriken Latine ka çuar në më shumë se 10 mijë vetëvrasje.Këto janë të dhënat më të fundit të publikuara në Britanine e Madhe, pas një studimi të publikuar në revistën britanike të psikiatrisë, e cila tregon një rritje të frikshme të numrit të njerëzve që ndërmarrin aktin ekstrem të vetëvrasjes.Sipas ekspertëve të fushës, në këto raste është shumë i rendësishëm shërbimi dhe kujdesi mjekësor mendor.Të dhënat përfshijnë studime të realizuara në 24 vende të Bashkimit Europian, Kanada dhe Shtetet e Bashkuara të Amerikës. Sipas statistikave, numri dhe perqindja e vetëvrasjeve është rritur ndjeshëm kryesisht në Europë pas vitit 2007.Pas këtij viti deri në 2009, ky nivel u rrit me 6.5% duke mbetur i pandryshuar deri në 2011.Pra në nje periudhë 2 vjecare, ka patur një rritje të numrit të vetëvrasjeve me 7950 persona më shumë të vetëvrarë.Edhe në Kanada numri i vetëvrasjeve deri në 2007 kishte një trend rënës, por pas këtij viti, me recesionin e vitit 2008, në vend brenda vitit numri i vetëvrasjeve u rrit me 240.Ky numër u rrit edhe në SHBA, për shkak të krizës së thellë ekonomike, duke çuar në më shumë se 4750 vetëvrasje.Sipas raportit, humbja e vendit të punës, ekonomia e dobët, humbja e shtëpisë për shkak të mospagimit të qerasë apo kredisë dhe borxhet e shumta, janë arsyet kryesore që i kanë ç uar këta njerëz drejt vetëvrasjes me mënyra nga më të ndryshmet.Por ka edhe nga ato vende qe e kanë mundur këtë trend, duke mos rënë "pre" e saj.Suedia, Finlanda dhe Austria, të tre këto vende arritën të shmangin impaktin e keq të krizës.
