Qeveria turke mbështetje realizimit të projekteve infrastrukturore
Nga OraNews Përditësimi i fundit 19 Prill 2014, 16:03
Qeveria turke do të mbështesë realizimin në Shqipëri të një seri projektesh infrastrukturore, në kuadër edhe të ruajtjes së trashëgimisë kulturore.Kështu deklaroi Zëvendëskryeministri i Turqisë, Emrullah İşler gjatë takimit të zhvilluar sot me Kryeministrin Edi Rama.Në takim u vlerësuan marrëdhëniet shumë të mira mes dy vendeve, që bazuar në miqësinë e lidhjet tona tradicionale do të forcohen edhe më tej, në të ardhmen.Zëvendëskryeministri Emrullah İşler i përcolli Kryeministrit Rama përshëndetjet e Kryeministrit Recep Tayyip Erdoğan dhe në emër të tij shprehu angazhim e mbështetje për forcimin e mëtejshëm të bashkëpunimit mes dy vendeve.Kryeministri Edi Rama e falënderoi zotin Emrullah İşler për mbështetjen e vazhdueshme që Turqia i ka dhënë Shqipërisë dhe e konsideroi sfidë materializimin e partneritetit, çka do të ndikojë edhe në rritjen e mëtejshme të shkëmbimeve tregtare, kulturore, sociale, etj.Në takim u vlerësua si tepër i rëndësishëm dimensioni ekonomik i marrëdhënieve mes dy vendeve dhe në këtë kuadër, Zv/kryeministri Emrullah İşler theksoi se ekzistojnë potenciale të mëdha për të çuar më tej si marrëdhëniet tregtare, ashtu edhe investimet. (ata)
