“Me duar të pastra”, gjen 390 mijë euro, por ia kthen të zonjës
Nga OraNews Përditësimi i fundit 10 Dhjetor 2012, 22:24
Një shofer autobusi në Austri është padyshim një nga njerëzit më të ndershëm në botë. Ai ka gjetur një çantë me plot 390 mijë euro në autobusin e tij, por ka vendosur t’ia kthejë gruas së cilës i përkisnin. Të moshuarës i ishte dashur një jetë e tërë për t’i mbledhur, e në momentin që i kishin humbur, kishte lajmëruar policinë.77-vjeçarja kishte tërhequr gjithë shumën nga banka dhe i kishte hipur autobusit, por kur kishte zbritur, çantën e kishte harruar në të. Shoferi i cili identifikohet me emrin, Wolfgang R, tha se fillimisht kishte menduar se çanta, pas sediljes së tij mund të kishte rroba, por kur e kishte hapur, kishte gjetur disa shufra me para.Zyrtarët e kompanisë së autobusëve janë shprehur se janë shumë krenarë për punonjësin e tyre, por ende nuk dihet nëse gruaja i ka dhënë një “bakshish” shoferit për nderin e madh që i ka bërë.
