Foto mahnitëse nga varri 3 mijë vjeçar i Faraonit të Egjiptit
Nga OraNews Përditësimi i fundit 28 Janar 2014, 17:01
Këto foto mahnitëse i përkasin varrit të Faraonit të Egjiptit Ramesses IV, i cili u ngjit në fron në vitin 1156 para Krishtit, por mundi të mbretëronte për 6 vjet.
Andrey Nekrasov, fotografi nga Ukraina, pas shumë përpjekjesh arriti të merrte një leje nga qeveria egjiptiane për të fiksuar këto pamje të cilat janë vërtetë mahnitëse.
“Brenda tij ishte shumë bukur, e pamjaftueshme për t’u shpjeguar me fjalë. Misteri më i madh është se si kanë mundur njerëzit 3 mijë vjet më parë të krijojnë diçka kaq të jashtëzakonshme”, shprehet Nekrasov.
Tre mijë vjet pasi u krijua, varri i vendosur në Luginën e Mbretërve, në Tebë, Egjipt, ai ruan në mënyrë të habitshme bukurinë e vet të jashtëzakonshme.
Ramesses IV u ngjit në fron pas largimit të Ramesses III, por duke qenë se bëhej fjalë për një periudhë shumë të vështirë ekonomike, megjithëse varri i tij është shumë i madh, ai konsiderohet relativisht i thjeshtë në dizajn dhe dekorim.
