SHBA dhe BE të shqetësuara për situatën në Ukrainë
Nga OraNews Përditësimi i fundit 4 Dhjetor 2013, 07:15
Ndërsa mijëra njerëz në Ukrainë vazhdojnë të protestojnë kundër Presidentit Viktor Yanukovych dhe vendimit të tij për të mos thelluar lidhjet me Bashkimin Evropian, vendet e tjera po shprehin shqetësimin e tyre rreth situatës në vend, veçanërisht ndaj shtypjes së protestuesve nga policia.Ministrat e Jashtëm të NATO-s në takimin në Bruksel lëshuan një deklaratë duke dënuar përdorimin e tepruar të forcës kundër protestuesve. Sekretari i Jashtëm britanik William Hague tha se është e rëndësishme që e drejta e ukrainasve për organizimin e protestave paqësore të respektohet.Kryeministri ukrainase Mykola Azarov ka thënë se Ukraina dëshiron të intensifikojë integrimin në BE, por nuk mund të përballojë humbjet tregtare me Rusinë, e cila është investitori dhe partneri tregtar më i madh i huaj i vendit dhe kundërshton thellimin e marrëdhënieve Ukrainë -BE.Sekretari amerikan i Shtetit John Kerry tha të martën se Yanukovych padyshim ka marrë një vendim personal me të cilin populli ukrainas nuk është dakord. Duke iu referuar Rusisë, ai i cilësoi veprimet e saj një luftë të hapur dhe të papërshtatshme në lidhje me influencën e saj mbi vendimet e Ukrainës.Të martën qeveria e kryeministrit Mykola Azarov i ka mbijetuar një votëbesimi në parlament, por protestuesit qeveritar janë zotuar se do të vazhdojnë me kërkesën për dorëheqje të qeverisë dhe se do të mbesin në rrugët e kryeqytetit, pavarësisht acarit.
