Egjipti shpall "armik" Turqinë, dëbon ambasadorin turk
Nga OraNews Përditësimi i fundit 23 Nëntor 2013, 13:07
Egjipti merr masa kundër qeverisë turke, duke shpallur prishje të marrëdhënieve diplomatike mes dy vendeve. Qeveria egjiptiane ka dëbuar Ambasadorin turk nga vendi dhe ka tërhequr Ambasadorin e saj nga Turqia.Vendimi bëhet i ditur në një deklaratë për shtyp nga Zëdhënësi i Ministrit të Jashtëm egjiptian Badr Abdelatty, i cili tha se Turqia po mundohet të influencojë opinionin publik kundër interesave të Egjiptit, duke akuzuar qeverinë turke për mbështetje të organizatave që kanë për qëllim krijimin e destabilitetit dhe trazirave në vend.Akuza vjen pasi Turqia ka qenë një nga kritiket më të ashpra të Egjiptit për rrëzimin e Presidentit Muhamed Morsi në korrik të këtij viti. Turqia zyrtare e ka konsideruar këtë lëvizje të egjiptianëve si një goditje të befasishme dhe të papritur.Egjipti nga ana tjetër akuzon Turqinë për ndërhyrje të njëspasnjëshme në punët e brendshme të shtetit egjiptian.Rrëzimi i Morsit nga populli egjiptian shkaktoi shumë trazira dhe përplasje të përgjakshme në vend ndërmjet mbështetësve të Morsit dhe kundërshtarëve të tij.
