Ben Feldman lidh jetën më martesë
Nga OraNews Përditësimi i fundit 16 Tetor 2013, 10:35
Ata ndajnë një romancë për një kohë vërtetë të gjatë dhe më në fund vendosën që këtë lidhje ta finalizojnë me martesë.Bëhet fjalë për yllin e filmit “Mad Man” dhe aktoren e njohur Michelle Mulitz. Çifti janë martuar gjatë fundjavës së shkuar dhe tani kanë zbuluar disa fotografi nga dasma e tyre. Kjo ceremoni u zhvillua në “Smokey Glen Farm” në Gaithersburg Maryland.
Të ftuarit ishin rreth 350 ku bënin pjesë vetëm rrethi i ngushtë shoqëror dhe familjarët e çiftit. Në një intervistë ekskluzive për revistën e famshme “People” , Ben ka pohuar :"Michelle dhe unë ishim shumë të gëzuar ta ndanim këtë ditë të shënuar për ne , me miqtë e ngushtë dhe familjarët në fermën që përzgjodhëm për ta festuar."
Ben gjithashtu ka shpjeguar se të gjithë të ftuarit kaluan momente të këndëshme duke kërcyer dhe duke ngrënë ushqimet e pregatitura. Por ndryshe nga dasmat tradicionale ata preferuan që pjesën më të madhe të kohës ta kalonin jo nën shoqërinë e një muzike të zhurmshme, por të tingujve te qetë që të dhuron violina.
Në foton e shkrepur, Ben shfaqet me një kostum serioz, këmishë dhe papion, ndërsa Michelle duket magjepsëse me fustanin e saj të bardhë dhe flokët e rregulluara në mënyrë të thjeshtë por të rregullt.
Aktori gjithashtu nuk ka harruar të përmendi edhe çastin kur u lajmërua për nominimin e tij për çmimin “Emmy”. 33 vjecari ka pohuar se gjithëçka ndodhi në mënyrë të papritur dhe për të ishte surprizë deri në momentin e fundit. Gjatë gdhirjes së një dite, ylli i shumë filmave rrëfen se i telefonuan për t`a lajmëruar për këtë nominim pikërisht në orën 5 e 30 të mëngjesit. E më pas nis të përshkruaj me humor dhe të qeshura diskutimin e tij dhe të të dashurës së tij, për zgjimin në atë orar, përpara se ai t`i jepte lajmin e gëzueshëm.
