Ellie Goulding kopjon Beyonce
Nga OraNews Përditësimi i fundit 15 Tetor 2013, 08:35
Ka qenë një natë plot surpriza dhe emocione ajo e spektaklit britanik “X Factor”. Këngëtarja britanike Ellie Goulding ishte e ftuara speciale gjatë mbrëmjes, e cila dhuroi një performancë me këngët e njohura të saj.
Ellie u shfaq me një veshje të stilistit Julien Macdonald në ngjyrë ari, e cila ekspozonte këmbët e këngëtares në pjesët anësore. Ajo që bëri përshtypje ishte fakti ky fustan është veshur më parë nga këngëtarja Beyonce gjatë turit të saj muzikor. Por duket se fansave nuk i ka pëlqyer aq shumë kjo zgjedhje, pasi shumë prej tyre kanë shprehur në Twitter se Ellie nuk dukej në formën më të mirë të mundshme me atë fustan.
Tjetër gjë që ra në sy te “X Factor” ishte se gjithçka ishte e lidhur me vitet 80. Garuesit e këtij viti kishin sjell një varg të baladave, ndërsa dy nga pjesëtaret e jurisë Nicole Scherzinger dhe Sharon Osbourne i jepnin më shumë pamjen e viteve 80 me paraqitjen dhe dukjen e tyre.
