Rama takim me Ban Ki-moon: Luftë korrupsionit, reforma në drejtësi
Nga OraNews Përditësimi i fundit 29 Shtator 2013, 09:27
Sekretari i Përgjithshëm i Kombeve të Bashkuara u takua të shtunën me Kryeministrin e Shqipërisë Edi Rama. Zyra e Sekretarit të Përgjithshëm të Kombeve të Bashkuara Ban Ki-moon nxori dje një deklaratë për shtyp, ku thotë se në takim u diskutuan përparësitë e qeverisë së re të Shqipërisë.
Sekretari i Përgjithshëm i bëri thirrje qeverisë të vazhdojë luftën kundër korrupsionit dhe të çojë përpara reformat në fushën e drejtësisë dhe sundimit të ligjit.Sekretari i Përgjithshëm vlerësoi emërimin e një numër grash në kabinetin e ri qeveritar, duke shprehur shpresën që të vazhdojë kjo prirje.Sekretari i Përgjithshëm shprehu mirënjohjen për përqafimin e reformave të OKB-së dhe mbështetjen e nismës “Veprojmë si Komunitet i Vetëm” si dhe pjesëmarrjen aktive në axhendën për zhvillim pas 2015.Zoti Ban dhe zoti Rama shkëmbyen gjithashtu pikëpamje lidhur me zhvillimet në Ballkanin Perëndimor.
