Policia italiane bllokon anijen me 200 emigrantë sirianë
Nga OraNews Përditësimi i fundit 12 Shtator 2013, 15:32
Autoritetet italiane kanë ndaluar 200 emigrantë sirianë në një anije në detin Mesdhe, njoftoi policia të enjten. Rojet bregdetare italiane kanë ndjekur për orë të tëra një anije peshkimi e cila përdorej për të transportuar emigrantët në ujërat ndërkombëtare në afërsi të brigjeve të Siçilisë.Sipas njoftimit të policisë, autoritetet kanë zbarkuar 199 emigrantët, në mesin e të cilëve ishin 64 fëmijë, që po iknin nga lufta civile në Siri. Policia thotë se trafikantët janë pjesë e një grupi të organizuar kriminal nga Egjipti.Mijëra emigrantë tentojnë të kalojnë brigjet e jugut të Italisë çdo verë, kur dallgët e detit Mesdhe janë të qeta, çfarë u mundëson anijeve të vogla të depërtojnë lehtësisht nga Libija dhe Tunizi.Sipas të dhënave të ministrisë së brendshme italiane, nga data 1 korrik e deri më 10 gusht, rreth 9,000 emigrantë kanë arritur në Itali përmes rrugëve detare. Emigrantët ilegal që zihen nga autoritetet italiane çohen në kampe të azilantëve.Në shumicën e rasteve, emigrantët largohen nga kampet e “paruajtura” mirë dhe kërkojnë punë, ndërsa të gjithë ata që mbesin dhe nuk mund të vërtetojnë se janë të përndjekur politikisht, mund të riatdhesohen.
