"Karçanajt i lehtësohet masa për mln €"/ Vasili: Ndërsa Meta mbahet në izolim pa prova
Nga OraNews Përditësimi i fundit 7 Maj 2026, 19:38
Deputeti i Partisë së Lirisë, Petrit Vasili, ka reaguar ashpër ndaj Gjykatës së Lartë, duke e akuzuar për vendimmarrje të njëanshme dhe mungesë standardesh të barabarta në trajtimin e çështjeve gjyqësore.
Sipas tij, në disa raste që lidhen me persona të akuzuar për korrupsion me pasoja të rënda, gjykata ka lehtësuar masat e sigurisë, ndërsa në raste të tjera, sipas tij, janë mbajtur masa më të rënda ndaj figurave politike të opozitës.
Vasili ngre gjithashtu shqetësime për mënyrën e funksionimit të institucioneve të drejtësisë dhe proceset e përzgjedhjes së gjyqtarëve, duke pretenduar se ka pasur probleme në verifikimet dhe procedurat e ndjekura.
Në reagimin e tij, ai kërkon që institucionet e drejtësisë të mbajnë përgjegjësi dhe të garantojnë trajtim të njëjtë për të gjitha rastet, pavarësisht subjekteve të përfshira.
