(EMRAT) KRIS A*MA NË MEMALIAJ/ Të shtënat i marrin jetën "Supes", ZBULOHET autori i vr*sjes së 30-vjeçarit

Nga OraNews Përditësimi i fundit 21 Prill 2026, 21:17

Të shtëna me armë zjarri janë regjistruar në Memaliaj, ku një person ka humbur jetën pas një konflikti.

Sipas informacioneve paraprake, viktima është identifikuar si Endri Goxhaj. Ai dyshohet se u qëllua gjatë një përplasjeje me një tjetër person rreth 30 vjeç.

Burime nga hetimi bëjnë me dije se autori i dyshuar është Donald Nela, i cili është shpallur në kërkim nga policia.

Ngjarja ka ndodhur në zonë të banuar, duke shkaktuar panik te qytetarët. Forcat e policisë kanë rrethuar vendin dhe po punojnë për kapjen e autorit, si dhe për zbardhjen e plotë të rrethanave.

Deri tani nuk ka informacion të qartë për motivin e konfliktit, ndërsa hetimet vijojnë.

NJOFTIMI I POLICISË:

Memaliaj/Informacion paraprak

Rreth orës 20:50, në Memaliaj, dyshohet se pas një konflikti, shtetasi D. N., 29 vjeç, ka qëlluar me armë zjarri shtetasin E. G., 30 vjeç, i cili ka humbur jetën rrugës për në spital.

I plagosur, në rrethana ende të paqarta, ka mbetur edhe vëllai i autorit të dyshuar, shtetasi D. N., 25 vjeç, jashtë rrezikut për jetën.

Autori i dyshuar, pas ngjarjes, është larguar me automjet.
Shërbimet e Policisë janë vënë në ndjekje të tij.

Ndërkohë, është ngritur një grup i posaçëm hetimor, në drejtimin e Prokurorisë, për sqarimin e rrethanave dhe dokumentimin ligjor të ngjarjes.