Memolla nuk ndalet/ Pas dënimit me 1 vit burg, ish-kryebashkiaku i Rrogozhinës kërkon 'shpëtim' nga Gjykata e Lartë
Nga OraNews Përditësimi i fundit 21 Prill 2026, 16:15
Ish-kryebashkiaku i Rrogozhinës, Edison Memolla, ka paraqitur rekurs në Gjykata e Lartë, duke kërkuar prishjen e vendimit të Gjykata e Posaçme e Apelit që e dënoi me 1 vit burg për korrupsion zgjedhor.
Për shqyrtimin e çështjes është caktuar si relator gjyqtari Genti Shala.
Pas vendimit të Apelit, Memolla u vetëdorëzua në polici dhe u dërgua në institucionin e vuajtjes së dënimit në Rrogozhinë, ku po kryen dënimin. Drejtimi i bashkisë është marrë përkohësisht nga një kryetar i komanduar.
Hetimet ndaj tij nisën pas publikimit të një audio-përgjimi, ku ai, në kohën kur ishte kandidat për kryetar bashkie, dëgjohej duke ndërhyrë te një punonjës i OSHEE për të mos i ndërprerë energjinë një abonenti me detyrime të papaguara.
