Irena Gjoka e dënuar në Greqi. Bushkolaj: Gjyqtarja me 3 emra u mbrojt për 20 muaj nga KLGJ
Nga OraNews Përditësimi i fundit 20 Janar 2026, 19:01
Gjyqtarja Irena Gjoka, e cila u përdorë për të burgosur liderët e opozitës nga Sali berisha, Ilir Meta e të tjerë konfirmohet edhe zyrtarisht nga Prokuroria e Përgjithshme se ka qenë e dënuar në Greqi dhe e dëbuar për falsifikim të pasaportës dhe vizës. Sot Prokuroria e Përgjithshme ka konfirmuar se Irena Gjoka, se dokumentet e publikuara në media dhe nga opozita për dënimin penal të Irena Gjokës, janë të vërteta dhe autentike.
I ftuar në studion e Task Forcë, gazetari Elkier Bushkolaj tha se u provua se reforma në drejtësi u përdorur si një mjet për të goditur segmentet e opozitës dhe për të favorizuar pushtetin. Bushkolaj tha se Gjoka dha vendime që minuan në tërësi procesin zgjedhor duke shkaktuar një dëm kolosal.
Përgjatë këtyre viteve, nëse kthehemi dhe shohim se çfarë ka ndodhur qoftë me fuqizimin e karteleve, apo me ekonominë informale, apo me goditjen e segmenteve të opozitës, kuptojmë dëmin real që i është bërë Shqipërisë nga reforma në drejtësi dhe nga segmente të caktuara, kundër të cilave Irena Gjoka ka emër, ka dhe tre mbiemra. Pa folur për pjesëtarë të tjerë në nivele drejtuese të gjykatave.
Ne bëmë një ligj dekriminalizimi për katër-pesë deputetë që kishin fshehur dënimet në Itali, në vendet e ndryshme të Bashkimit Europian, kur ndërkohë pesha e tyre specifike ishte realisht e vogël se maksimumi mund të ngrinin kartonin për një ligj. Por, nëse marrim rastin e Irena Gjokës, po flasim për një zonjë që ka qenë dhe drejtuese e komanduar e GJKKO-së, që bashkë me SPAK-un janë dy prej shtyllave kyçe të reformës në drejtësi. Dhe çfarë ndodh? Vendimet e saj në raport me liderët e opozitës kanë impaktuar dhe kanë minuar në tërësi procesin zgjedhor, po themi në tre vitet e fundit. Duke nisur që nga zgjedhjet e pjesshme për bashki, tek zgjedhjet vendore, për të ardhur më pas edhe tek zgjedhjet e 11 majit. Dhe ky është një dëm kolosal me pasoja afatgjata.
Ndërkohë lënë për të dëshiruar lufta për të parandaluar korrupsionin dhe abuzimet. Ndërsa dosjet belge flasin për grupe kriminale me pasuri që kapin shifrën e 6 miliardë eurove nga trafiku i kokainës, autoritetet shqiptare kanë sekuestruar vetëm një shumë qesharake prej 6 milionë eurosh në disa vite.
Çfarë ndodh? Përgjatë kësaj kohe ka vijuar normalisht vjedhja me tendera, abuzimet që ne po i shohim tashmë qoftë në dosjen e Ballukut, apo qoftë në atë se çfarë ndodhi me përmbytjet në Durrës në hidrovorë. Të gjitha këto kanë ndodhur për shkak se ky sistem drejtësie ka qenë i plogësht dhe nuk ka parandaluar asgjë. Rasti më flagrant u shënua me Call Center-in. Një Call Center që zhvaste miliona euro nga qytetarët e Bashkimit Europian, operonte ngjitur me Gjykatën e Lartë në Shqipëri. Pra nuk ka skandal më të madh. Mos flasim aty për ambasadën izraelite që ishte dy kate më poshtë, a dy kate më sipër, apo për agjencitë e tjera ligjzbatuese. Por ngjitur me Gjykatën e Lartë. Përtej kësaj, u dekonspirua operacioni nga strukturat që dyshohet se i përkasin BKH-së po themi, apo SPAK-ut, se këtë herë policinë e shtetit e përjashtuan për shkak se u njoftua një ditë përpara.
Mund të jetë edhe policia e shtetit, por po flasim, ne po flasim për institucionet ligjzbatuese. Përtej kësaj, të gjitha këto që po ndodhin, ndodhin në raport për shkak të këtyre vendimeve gjyqësore. Janë vendime që grupeve kriminale nuk po u sekuestrojnë më pasuritë. Është një shifër që është qesharake, sekuestrimi i 6 milionë euro në pak vite. Është krejt shifër që është qesharake në raport me detajet që ne shohim nga dosjet belge, ku vetëm një grup kriminal përllogaritet që ka pasuri në rreth 6 miliardë euro. Sasi kokaine të cilat kanë ardhur nga Amerika Latine dhe janë futur në tregun e Bashkimit Europian. Dhe ne flasim për 60 milionë euro.
Tani pjesa tjetër, fakti që 20 muaj kjo situatë mbahet zvarrë, tregon qartazi një koordinim ndërinstitucional. De facto këto janë sjellë si grup i strukturuar kriminal. Njësoj siç u sollën ata taksitë me tendera që bënin. Edhe këtu zvarritja e kësaj çështje, mbajtja peng, për diçka që maksimumi në të gjitha procedurat ligjore do të duhej 3 muaj dhe nuk kishin pse prisnin 20 muaj.
