VIJON ENDE ZJARRI NË "5 MAJ" PAS DY ORËSH! Flakët ende nuk janë shuar, shkrumbohen 200 biznese (PAMJE)
Nga OraNews Përditësimi i fundit 8 Janar 2026, 21:10
Pas dy orësh nga përhapja e flakëve në kapanonet e tregut të rrobave të përdorura në zonën e "5 majit", zjarri jo vetëm që nuk është shuar por vijon të "përpijë" gjithçka që ndodhet brenda ambienteve.
Sipas informacioneve të përcjella për Ora News, raportohet se si pasojë e zjarrit janë djegur 200 dyqane të marra me qera nga tregtarë të ndryshëm.
Ndërkaq, zjarrfikëset ndodhen në vendngjarje dhe është mundësuar largimi i qytetarëve nga zona pranë zjarrit.
Pamjet reflektojnë dëmin e madh material, gjë për të cilën janë kërkuar zjarrfikëse nga Elbasani, Kamza dhe Vora për të dhënë mbështetje në shuarjen e zjarrit.
