DURRËSI I PËRMBYTUR/ Gazetari Myzyraj: Banorët kanë lënë banesat e tyre, ka prurje të vazhdueshme të ujërave
Nga OraNews Përditësimi i fundit 8 Janar 2026, 15:15
Një raportim direkt, gazetari Isa Myzyraj i gjendur në një nga zonat e përmbytura në Sukth raporton se është realizuar evakuimi i banorëve, më urdhër të bashkisë së Durrësit dhe ministrisë së Mbrojtjes.
Nga informacionet e përcjella nga terreni, Myzyraj ka treguar se situata duket se po shkon drejt përkeqësimit, ndërkaq nga pamjet e drejtpërdrejta për OraNeës shfaqen banorët që ndodhet jashtë shtëpive të tyre.
“Arritëm dhe ndodhemi në mes të rrugës kryesore, e cila lidh zonën e Shijakut me Durrësin dhe më pas me Tiranën. Është dhënë urdhër evakuimi nga bashkia e Durrësit dhe ministria e Mbrojtjes, në zonën këtu ku në ndodhemi.
Aktualisht, siç mund të shikohet nga pamjet situata paraqitet shumë e rëndë.
Në të gjithë hyrje dalje ka prurje të vazhdueshme dhe duket sikur situata është duke përkeqësuar.
Me dhjetra banorët tanimë kanë lënë banesat e tyre, vetëm me disa qese në duar kanë mundur të shpëtojnë nga shtëpitë e tyre pasi zona në krahun tim të djathtë, është një zonë tërësisht e pabanuar.
E cila është tërësisht e përmbytur.”- raporton Myzyraj.
